सोमवार 27 मई के बिहनिया फेर 9 बजे घटनास्थल बारुद फैक्टरी म सकलाबो अऊ आंदोलन ला आगे बढ़ाबो …………छत्तीसगढ़ क्रान्ति सेना अऊ जोहार छत्तीसगढ़ पार्टी प्रमुख अमित बघेल।
(छत्तीसगढ़ प्रतिमान न्यूज)
रायपुर। जोहार छत्तीसगढ़ साथी हो,
पाछू 48 घंटा ले क्रान्ति सेना अऊ जोहार छत्तीसगढ़ पार्टी के जम्मो पदाधिकारी अऊ सेनानी मन घाम-प्यास के परवाह करे बिना मृतक के परिवार मन ल नियाव देवाय बर डटे हव । लेकिन शासन-प्रशासन ह हम छत्तीसगढ़िया मन ल भेड़ी-बोकरा अऊ भाजी-भाटा समझत हे । न ही उचित मुआवजा देहे बर तैयार हे अऊ न ही अभी तक मृतक मन के पार्थिव शरीर ल परिवार ल सौंपत हे ।
परिवार के महतारी बहिनी मन के दुख-पीरा बिकराल हे ।
ओमन क्रान्ति सेना डहर बहुत उम्मीद ले देखत हे । त आवव सब छत्तीसगढ़िया मन जुरमिल के काली सोमवार 27 मई बिहनिया फेर 9 बजे घटनास्थल म सकलाबो अऊ हमर हर लड़ाई असन यहू कठिन लड़ाई हमेशा की तरह पुरजोर तरीका ले जीत के देखाबो ।
- मृतक परिवार ल पचास लाख मुआवजा देवाबो
- पीड़ित परिवार के एक सदस्य ल सरकारी नौकरी देवाबो
- बारुद कांड के न्यायिक जाँच करवाबो
- बारूद फैक्टरी ल बंद करवा के वो जमीन ल मूल जमीन मालिक किसान ल खेती बर वापस देवाबो।
- हमर पुश्तैनी गांव,दईहान, गौठान,चारागाह, भाठा परिया मन म जबरदस्ती खोले जावत खतरनाक फैक्टरी मन के बेईमानी के उपचार करबो ।
छत्तीसगढ़ के स्वाभिमान अऊ सम्मान के बड़का लड़ाई म छत्तीसगढ़ के हर छत्तीसगढ़िया के सहयोग के जरुरत हे । आवव पार्टीबाजी ले उपर उठ के छत्तीसगढ़िया कौम के जीवन-मरण के प्रश्न बर लड़ के नवा इतिहास बनाबो ।
Views Today : 11
Total views : 50714